PIZZA ~ 好脆呀

屋企煲左羅宋湯，所以晚餐不如整個Pizza喇。

量好份量就開始搓麵糰，搓皮搓左半個鐘、第一次發酵用左15分鐘，

之後放入雪櫃再發酵15分鐘、之後整形放入發酵爐發酵30分鐘。

搞左兩個鐘終於可以入爐lu。

呢個pizza係要分2次焗，先齋焗個皮焗15分鐘，出爐待涼後放上餡料。

整左兩個PIZZA用左唔同嘅醬，一個係千島醬、一個係蕃茄醬。

材料有菠蘿，火腿、青椒、紅椒、黃椒，芝士。

之後再入焗爐焗15分鐘，出爐完成喇。

食後感：個Pizza好脆，不過下次要落多D芝士。