季季紅風味酒樓

店舖資料：季季紅風味酒樓
地址：荃灣青山公路185-187號荃勝大廈1樓
電話：2615 9333

 

媽咪係美國返左黎，又適逢近中秋，所以咪約埋舅父阿姨出黎食返個中秋節飯局喇。
今次由我最細個表妹提議食呢間野，哈哈。佢好擔心，如果唔好食，我地會怪佢。heeheeee

邊間野其他小菜都唔洗點介紹，因為都係普普通通，價錢都係60-80蚊一個餸，都好合理。

主角當然係隻「蝦乎米乳香豬」喇。
我地覺得個皮唔夠脆，好明顯燒得唔夠香。因為當晚所見，2層棲座無虛席，差不多枱枱都有order
呢隻豬，應該做唔切，所以失準喇。
講真，豬裡面個蝦米飯比起隻豬好味好多。 ~ 搶左鏡 tim.......

食後感：都ok喇，不過不失，唔抱太大期望去食，應該會有意外收獲。hahaha......

如果約齊一班人around 10個人，我都會去食多次。

陵發潮州白粥

呢間野真係好有趣，餐牌只得1張2頁。最得意係冇標價錢。
真係唔知埋單要幾多錢......
主要係打冷為主，如果想食小炒........(唔好意思係冇GA)，不過D野真係好好味。

店舖資料：陵發潮州白粥
地址：太子新填地街625-627號地下
電話：6440 7169

煎蠔餅 - 從未試過食蠔餅有咁多蠔GA。因為一般係外面食都係食粉漿LOR。

 蠔仔粥 - 我至愛，都係好多蠔，仲要唔細隻WOR，個湯底好味，清清地，唔覺有味精。

 大腸拼鵝腸 - 鵝腸係新鮮鵝腸，大腸又冇乜肥膏。GOOD

鹵水鵝 - 好入味，鵝味好重呀。唔好睇好似好大碟，其實得幾o舊。

食後感：叫左2支啤酒，埋單都係三百幾，都唔算好貴。雖然餐牌冇價錢，但埋單時感覺都算合理。

栗子蛋糕 (附食譜)

呢個蛋糕，基本上係冇乜用糖。因為客人要求要極低糖。

栗子蛋糕 (8吋)

海綿蛋糕材料：
雞蛋            4隻
糖                70g
低筋麵粉    90g
油                25g
水                25g
做法：
1.    蛋、糖用打蛋器打至淡黃色
2.    加入麵粉拌勻
3.    加入水、生油拌勻
4.    倒入焗模，用180度焗約25-30分鐘
*注意：蛋糕出爐後記住要倒轉放涼呀。

餡料：
淡味栗子蓉    350g
甜忌廉            300g
糖                    20g (不過我就冇落)
做法：
1.    用打蛋器將栗子蓉打滑(如果覺得唔夠幼細，可以用個細格網 ，將栗子蓉隔一隔，會滑D)
2.    甜忌廉打起備用
3.    將已打起甜忌廉150G加入栗子蓉，打滑放入唧袋
4.    將剩餘甜忌廉 放入唧袋

組合：
1.    將蛋糕切開分成3片，一片放底層
2.    將栗子蓉打圈唧在蛋糕上，忌廉唧在栗子蓉中間，然後放上第二片蛋糕
3.    跟第 2 .步驟同樣做法,再放第三層。
4.    之後點樣裝飾，由自己決定喇。

德發小廚 Tak Fat Restaurant

同朋友打完波焗埋身，沖好晒涼，跟住就去增肥喇。haha
頭先打左2個鐘波....食完呢餐，一定打會原型。
呢間小炒，好夠鑊氣呀。好好味呀。

店舖資料：德發小廚  Tak Fat Restaurant
地址：深水埗基隆街365號地下
電話：2777 7812
 

 因為2位男士先去攞位，可能我地女士等得太耐等唔切，己經食左雞腳 & 豬紅，所以影唔到。

四季豆炒蟹

 頭抽煎龍躉翅

通菜煲

 芥蘭煲

無骨沙薑雞 

大富大貴 - 條魚起左肉。

 墨魚餅拼金磚豆腐

梳乎里 - 老闆送比我地。

 椰絲奶凍磚 - 都係老闆送。

焦糖燉蛋 - 呢個要比錢喇。

 又係奶凍 - 都係送。

心太軟 - 都係要比錢，不過個心唔夠流。


食後感：要食裝修就唔好黎喇。野食係好味，普通小菜價錢都唔算貴。
可能老闆見我地6個人，食左一千六百幾，所以送左小小甜品比我地。

西法日~ 住家菜

呢餐飯其實冇乜特別，唔係慶祝、紀念......
只係呢排成日都出街食飯，已經諗唔到食咩好喇。
而雪櫃又有牛扒、鵝肝、青口、劍魚腩刺身、甘蝦、Peache Blanc汽酒。
一於親自下廚喇。

鵝肝菠菜蕃茄拌黑醋汁
香草白酒煮藍青口配蒜蓉包
劍魚腩、甘蝦刺身
牛扒：肉眼、西冷
Peache Blanc汽酒。

3D 邪留丸蛋糕

因為老公生日，而佢又好鍾意呢隻公仔。所以整黎氹下佢LOR。
不過好可惜，我對邪留丸王子冇乜印象。我已經盡左力喇。哈哈
蛋糕餡：海綿蛋糕 咖啡芝士慕士
外觀：用忌廉、糖膏幫佢裝飾。
蛋糕重量：大約1.5磅左右。
SIZE : 8吋餡料：

法包仔 (附食諧)

材料：

高根粉 150g
低根粉 70g
鹽 5g
水 150g
紅依士 3.5g

做法：
搓完麵糰之後空溫發酵1個鐘
之後分割，再發酵15分鐘
之後整形放入溫度較空溫高嘅地方發酵30分鐘。
之後用180度火焗10分鐘要係焗爐內噴水呀。

3D My Melody Cake

可愛嘅MELODY，粉紅色真係好迷人呀。
客人要求要做一個3磅嘅蛋糕。所以就加左個長方形蛋糕底。

蛋糕餡：海綿蛋糕 + 士多啤梨味JELLY + 什果忌廉

外觀：用忌廉、朱古力、糖膏幫佢裝飾。
蛋糕重量大約3磅左右。

SIZE : 11吋

士多啤梨果醬（附食譜）

材料:      

士多啤梨            200g

砂糖                    60g(或可用冰糖)

檸檬汁&檸青     1湯匙

做法：

1. 士多啤梨去葉洗淨、抹乾、 切粒。

2. 將士多啤梨和糖放入煲中。

3. 細火慢慢煮熱至起泡，期間需要不停攪拌。

4. 加入檸檬汁連檸青，慢慢煮至杰身，時間約需十五分鐘以上。

5. 放涼後，入樽放入雪櫃雪凍。士多啤梨果醬完成。

*糖嘅份量可因個人口味而增多或減少。

*檸檬作用是令果醬有光澤。

PIZZA ~ 好脆呀

屋企煲左羅宋湯，所以晚餐不如整個Pizza喇。

量好份量就開始搓麵糰，搓皮搓左半個鐘、第一次發酵用左15分鐘，

之後放入雪櫃再發酵15分鐘、之後整形放入發酵爐發酵30分鐘。

搞左兩個鐘終於可以入爐lu。

呢個pizza係要分2次焗，先齋焗個皮焗15分鐘，出爐待涼後放上餡料。

整左兩個PIZZA用左唔同嘅醬，一個係千島醬、一個係蕃茄醬。

材料有菠蘿，火腿、青椒、紅椒、黃椒，芝士。

之後再入焗爐焗15分鐘，出爐完成喇。

食後感：個Pizza好脆，不過下次要落多D芝士。

北京酒樓 Peking Restaurant

又到一年一度，我美國d表弟、妹返黎呀。好開心呀。可惜...一年都係一次。.....
由6:30坐到9點幾。先肯走。哈哈
由我嘅假民主下，決定試呢間。

北京酒樓 Peking Restaurant
佐敦彌敦道227號1樓

懷舊嘅裝修，同埋個個都係老火計 (真係老ga)

 麻醬雞絲粉皮

賽螃蟹 (GOOD )

 片皮鴨，好大碟WOR。不過肉質好乾。

 宮爆明蝦 - 酸酸辣辣

 鴨骨湯

 清炒白菜仔

 小籠包

高力豆沙

食後感：其實食物質素大概只得70分，不過價錢又唔貴，所以都可以接受。
**賽螃蟹係最好味。**

3D 米奇 & 3D 米妮蛋糕

今次呢個CAKE係為我嘅3歲姨甥女生日會而整GA。
所以個名牌寫左佢個名 "MELODY"
呢個蛋糕，真係用左好多時時間整呀。

蛋糕餡：朱古力海綿蛋糕 + 朱古力慕士+提子味JELLY

外觀：用忌廉、糖膏幫佢裝飾。
蛋糕重量大約2磅左右。

SIZE : 8吋 (約2磅重)

3D車型蛋糕

呢個車仔蛋糕係有個朋友嘅朋友order我做。
好似係 for 佢一個3歲嘅仔仔wor。

蛋糕餡：今次用左罐頭什果加忌廉
外觀：主要係桃紅色忌廉。
用忌廉、唧花咀為佢裝飾。

蛋糕重量大約1.5磅左右。
SIZE：長9吋。