Cafe Roma

本身約左一班朋友食飯，但有個朋友病左，所以CANCEL左呢晚嘅飯局。
所以就同老公入左珀麗灣食飯喇。(因為老公未去過呢個地方)
 

店舖資料：Cafe Roma ~ 話食意大利野。
地址：馬灣珀麗灣沙灘商場1樓
電話：3446 1226

未ORDER野食，老公已經 K.O.左一杯啤酒。(呢杯係第二杯黎喇)
我就叫左杯藍莓乳酪都幾好味。

今日WAITER介紹今日嘅SPECIAL，白酒煮青口。
好香酒味，但過咸，份量較少LOR....配嘅法包冇特別。

 Shrimp & Saffron Risotto
完全食唔到係有Saffron.......隻蝦仲有蝦腸呀，反胃。
份量極之少。收得百幾蚊，比多d飯都唔怕喇。整體個飯係冇味。

 FOUR SEASONS PIZZA
呢個出奇地好味。PIZZA好薄，仲好脆，但又唔會好似餅乾咁......呢個真係好正。
唔怪得有人黎買PIZZA外賣喇。


食後感：2個人5百幾蚊埋單，計埋交通費成600蚊，唔值LOR。係市區有大把選擇。