好時沙嗲 Good Satay

呢間餐廳已經好耐冇黎食過喇，如果想食新加坡 OR 印尼野，

呢間餐廳的確唔錯，價錢仲好合理TIM呀。

店舖資料：好時沙嗲  Good Satay
地址：尖沙咀麼地道63號好時中心144-148號舖
電話：2739 9808

黎到呢度海南雞飯一定要叫喇，個雞係去骨啖啖肉仲好滑呀，

另配3種醬：醬油膏、辣椒、薑蓉，個油飯好多香料味呀，

如果散叫都係$9一碗好抵呀，個湯好重雞味呀。

另外喇沙都係我至愛呀，不過睇個樣好似咖哩湯底咁，

但食落去個湯好重蝦、椰汁味，裡面有米粉、蝦、

雞絲、芽菜、豆卜及魚蛋.， 豆卜浸到入晒味，魚蛋好爽。

 

沙嗲叫左半打，牛、豬、雞各2串，如果唔點醬係都可以，

因為佢本身奄得好入味，不過個沙嗲醬好香花生味， 一定要點下黎食喇。

當然一餐飯，一定要叫個菜食下喇，見個餐牌有樣野寫住"加多加多"，

話係沙律黎wor，又未試過咁味叫黎食下law。

裡面有雞蛋、生菜、薯仔、豆角、雪梨、仲有塊印尼蝦片。

個醬好似沙嗲醬果個味呀。

呢餐雖然叫左4樣野，兩個人食，已經食到好飽。