Father's Day @ 2013

今年父親節係屋企搞，因為唔想同人迫。
同埋只係得4個大人，一個小孩子。
中午已經出發去街市睇下有咩好野買。
主要都係買海鮮喇。

買左咩呢？
聖子皇8隻 ~ 蒜蓉粉絲蒸。
皇帝蟹 ~  反轉隻蟹清蒸20分鐘，勁多蟹汁。
龍蝦3隻 ~ 本地龍蝦，白酒香煎，好多膏。

除左海鮮當然整返D肉類喇。
鵝肝 ~先用白蘭地酒浸左幾個鐘，酒味入晒鵝肝裡面，之後樸麵粉煎。
日本水飼豬扒2塊 ~ 呢隻豬係唔需要奄亦唔可以全熟，只需煎至8成就可以。超多肉汁。
西冷牛扒1塊12zo. ~ 最簡單都係煎喇。平時我地倆口子食得好生3成就可以。但奶奶要7成，所以就一就佢喇。
蕃茄炆牛仔骨 ~ 呢個係for個小孩子食，不過老爺鐘意食牛仔骨，所以佢都食左好多。