Lawry's The Prime Rib

 8年喇，時間過得真快。相識紀念日，老公訂左 LAWRY'S餐廳食晚飯。

香脆法包 – 個包好脆呀，裡面好軟，配上鮮牛油。好香好好味。

Spinning Salad - 待應會一邊旋轉在一堆冰上嘅鐵碗，一邊把蔬菜及沙律醬倒倒入碗內，不停拌勻，之後送上一支冰冷的叉用黎沙律，連個碟都係凍冰冰GA，真係好周到呀。

龍蝦尾 – 未食聞到已經好香喇。入口好爽，啖啖肉正呀。不過要HK$140一份，真係幾貴呀。同老公每人一條尾 TOTAL HK$270………

Prime Rib - The Diamond Jim Brady Cut 16 oz – 呢個叫左一份，廚師幫我地分開兩份，同老公一人一份唔洗爭，我地要左3成熟，肉味好重，好淋，岩晒我地兩個牛魔皇喇。另外有薯蓉伴碟，配牛肉汁，個薯蓉好滑好香牛油味，不過就好”流”。

Yorkshire Pudding 英式烘薄酥餅 – 好重蛋味，好似食左好多隻蛋咁呀，用黎雹牛肉汁，另有一番風味。

 忌廉菠菜 – 好”流呀，味道一般喇。本身覺得配麵包食，應該好好多。

露筍 – 好清呀，好爽好甜。有清新感覺。

因為老公訂位時講左話慶祝週年紀念，所以餐廳送左個甜品比我地食呀。係雜莓蛋糕黎呀，酸酸甜甜，岩晒呢餐飯嘅一個總結呀。

何洪記 Ho Hung Kee

何洪記成日都會經過，但未試過入去食，之後阿蘇係電視介紹過，所以今日要去試一試。舖入面好細，但好乾淨感覺幾好。

雲吞麵 – 攞出筷子好重漂白水味，個湯底就好重梘水味呀，但個麵都幾彈牙。雲吞就麻麻地喇。不過份量太少喇。(比麥奀仔多少少喇)

 牛筋麵 – 牛筋都幾淋，都幾算好味，但因為個湯底影響晒成碗麵。

食後感：價錢唔係問題，但要比HK$28食一碗雲吞麵完全唔值呀。

波士頓餐廳 Boston Restaurant

兒時嘅味道。

波士頓餐廰可以講話由細食到大，因為細個老豆成日都會帶我地過海食呢間餐廳ga，每次我都係叫燒雞沙律。講起黎都已經起碼15年冇食過喇。

原來我老公細細個都係成日黎呢間餐廳食ga，不過佢話應該有20年冇去食喇。

今次去到餐廳環境同以前一樣，都係港式西餐廳，店入面嘅客人，

大部份都已經係50歲左右，可能大家同我一樣去懷愐一下。

店舖資料：波士頓餐廳  Boston Restaurant
地址：灣仔盧押道3號地下
電話：2527 7646

羅宋湯配餐包 – 個湯好好味，個味好濃呀。

 

T骨扒 – 要左5成熟配蒜蓉汁，塊都有牛肉味，但個汁就冇蒜味law

咸豬手 – 有兩種整法今次我地要左炸嘅方法，個皮炸到好硬但個買相都唔錯。

**食後感：食物味道其次，感覺都幾重要。

無聊 Cookies

材料：

淡牛油          225g

麵粉              400g

糖                  125g

全蛋                  2隻

雲呢拿香油  少許

梳打粉           5g

鹽                   半茶匙

做法：

1. 將牛油打至軟身，之後加入糖打至淡黃色。

2. 將全蛋續少加入牛油中，用打蛋器不停攪拌，之後加入香油。

3. 將麵粉、梳打粉、鹽過篩，加入牛油糊中。用手搓勻。

4. 將麵糰壓放入雪櫃30分鐘，之後用模具吸出餅型。

5. 預熱焗爐200度火，焗10分鐘。出爐完成。

貼士：可用朱古力在曲奇餅上畫上圖案。

泡菜系列 の 泡菜蕃茄湯（附食譜）

材料：(今次用左個6公升煲)

泡菜1大碗

蕃茄8個

洋蔥1個

甘荀2條

茄膏1湯匙

鹽適量

做法：

1. 蕃茄夜進滾水內浸一分鐘，之後去皮。

2. 將泡菜、蕃茄、甘荀、洋蔥切開，放入煲內。

3. 熱鑊落油加入茄膏爆香再加入水。之後倒入煲內。

4. 煲大約2小時後加入鹽調味便可飲用。

小貼士：如將所有蔬菜落鑊爆香之後先開始煲，味道會便好。

Outback Steakhouse @ Tai Koo

自從冇Renew張 Member Card 之後好少黎食Outback喇，不過如果想食扒我一定會諗起佢‧

店舖資料：Outback Steakhouse
地址：太古康山道1號康怡廣場地下1號舖
電話：2560 8246

一坐低個waiter已經攞左個黑糖麵包黎喇，水準都係一樣好好味。

呢個係House Salad 配左我至愛 Honey Mustard醬。麵包粒好香蒜味呀。好好味呀。

小食：炸雞鎚拼醋肋骨伴芝士薯條。個炸雞鎚好有有墨西哥風味奄得好入味呀。

個豬肋骨好林好香BBQ醬味，芝士薯條簡直係"正"喇。

主菜：原味燒牛肉16oz配雞味飯&甜蕃薯。自從轉左Menu之後要星期五、六、日先可以食到燒牛肉呀，因為我食生牛肉，所以叫左3成熟(唔係個 個人可以接受呀)，牛肉好林，不過肉味冇之後食開咁重。雞味飯都好香雞味，好大可能係用腫湯煮。甜蕃薯食左咁多年水準都係冇變"正"到爆喇。

主菜：唔記得叫咩名，呢個係漢堡包配薯條&菜絲沙律。呢個漢堡包入面塊漢堡要左7成熟，好香炭燒味呀，入面有生菜絮酸青瓜，熱狗芥辣醬，食半個都已經可以飽。芝士有兩種，一種係美國芝士，一種係瑞士芝士(兩隻只能揀一隻)我地揀左瑞士芝士，不過芝味唔夠濃呀。

溏苑 Tong Yuen Food & Dessert

店舖資料：溏苑  Tong Yuen Food & Dessert
地址：旺角廣華街3號百利達廣場地下1號舖
電話：2171 4913

呢間甜品店都好體貼，比兩杯水我地。等我地食完之後用黎沖一沖個口。

紅豆綠茶窩夫：個窩夫新鮮整好熱，綠茶雪糕個綠茶味唔夠，

紅豆蓉好甜，所以食窩夫時都唔洗落糖膠喇。

 

雪糕芒芒船：芒果好酸、芒果雪榚個味唔夠，底層係芒果啫哩。

呢間甜品店，主要係用雪榚配答出唔同嘅甜品，不過d雪糕唔好味。

只係得個靚字。

墾丁、台北5天遊

呢個TRIP同老公第一個婚後旅行。但我唔當係Honey Moon。

一早去到機場check-in，因為個閘口較遠要搭無人駕駛列車，

搭9:00機去高雄，

所以早餐係飛機食，係火腿蛋包。搭一個鐘多d就去到高雄喇。

原本諗住落機後就搭巴士去墾，點知係飛機到有一對情侶問我

地係唔係去墾丁如果係不如一齊包架的士入墾丁，包一架車入

去要NT1800，除返開都係每人NT450，比起搭巴士都係貴幾十

蚊台幣，所以成交喇。

 

車程足足要兩個鐘呀，去到時間已經係1點幾喇，係御廷汽車旅館

放低行李，就去左墾丁大街果間搵野食，但日光日白嘅大街好靜， 

D舖頭都冇開，唯有隨便搵野食喇。我地叫左個牛肉烤醬伴麵， 

&紅燒排骨飯。食飽飽之後就係附近行左一陣，之後就搭的士

返酒店 CHECK-IN，係墾丁搭的士好貴GA，由墾丁大街去我地

住嘅旅館要NT200(當然係可以選擇搭巴士喇，但半個鐘先得一班)，

所以決定搭的士。

 

去到御廷汽車旅館上到房，我同老公都超開心呀，原本覺得好唔方便

好遠，但一見到間房我地就咩都唔記得晒LAW。個房好大、好靚、

好乾淨，最正當然係有個按摩池喇，4個人一齊浸都唔覺細呀。

老公第一時間就放水浸下先喇。

大約16:30左右，我地就諗住去南灣晒下太陽游下水喇。係巴士站等

唔到車咪諗住邊行邊等喇，點知都係冇，我地一直行行左40分鐘

終於到喇，但太陽已落山喇，我地唯有游下水就返MOTEL ，但我地

返去時就係巴士站附近有7-11，買左D野食就等巴士，因為太攰

唔行喇，搭左NT46就去到MOTEL喇。

到6點幾差不多7點我地就係巴士站等車去墾丁大街喇，今次係等左

成40分鐘都冇，有架出租車經過我地用左NT200去到大街，個司機

比左卡片我地，如果我地走可以CALL佢黎車我地返旅館。

 

係墾丁大街邊行邊食，食左好多野呀，好飽。但太熱喇，一路行

一路出汗，條大街都唔算好長，好快就行完LAW，除左野食都有

商舖，有D酒吧仲有人妖SHOW睇呀，大約9點幾10點我地

就CALL車返MOTEL喇。

第二日當然係自然醒喇(話明係渡假)，不過老公好早呀，因為佢走

左出露台晒太陽(係除晒衫果隻)，MOTEL為我地準備嘅早餐已經

一早送到黎喇。都幾好食 WOR。之後我地就出發開始第二日行程。

 

我地步行去小杜包子大約用左15分鐘左右喇，買左4個包，果度d包

真係好好食呀。仲要係好多人排隊買呀。

 

食飽飽之後我地就搭車去南灣享受陽光與海灘，用左NT100，

個司機話我地係佢果日第一個客所以收得我地咁平。 游完水就當然

要去7仔到SHOPPING喇之後先返酒店浸下個按摩池、梳洗完休息下。

 

18:00約左個司機黎接我地去出火，睇火玩煙花，玩到成身汗。  

之後就車我地去墾丁大街食火鍋，當然係冇香港咁好食喇，之後

我地掃下街、買下手信。就搭車返MOTEL。

第三日又係自然醒喇，食埋酒店為我地準備嘅早餐就執下行李，

約左車司12:00車我地去高雄左營站搭高鐵去台北(車費每人NT350)。

 

因為司機要去南灣接其他客人，所以佢先車我地去食d野，之後再

返黎接我地。去高雄車程2個鐘，行到一半時司機叔叔問我地食

唔食芒果wor…..係一個有生果買嘅地方停車比我地鬆一鬆，杯芒果

好香好甜好好味呀(係司機叔叔請我地食ga)，我地之後仲買

左一箱3個走TIM呀。

 

去到左營站，買左2:30PM高鐵車票去台北，果日係星期五，

唔係好多人搭，我地4:06PM已經到左台北車站喇，果然係

高鐵好準時呀。

 

去到台北車站搭一個站捷運去西門站，之後就搵我地間雅典娜日

租套房喇(之前係香港上網搵)，個房東都幾好人，因為我地要買電

話卡，搞左好多佢就等足我地咁耐呀，果楝大廈保安好嚴GA，

出入都要好匙卡，入到房間房好大都幾乾淨，同酒店冇乜分別，

應該比酒店更大。

 

.放低行李之後大約6點幾出發我地就去左淡水老街，呢個地方係我

每次去台北必去嘅地方，因為我要去買台灣嫁女餅食呀，

好好味GA….同埋去淡水，一定要食 “阿給”、糯米腸好好味呀。

之後係淡水週圍行下街。

 

之後搭捷運去劍潭站向士林夜市出發。因為係淡水已經食到好飽，

所以係士林都唔係食左好多野，不過都係邊行邊食，豪大大雞排

呢個係必食GA….不過我地兩個人都係食唔晒，之後買左D醉雞

返去食。回程西門町當然係必經之路所以行左個圈，

之後就返雅典娜LU。

 

第四日約左個台灣朋友8:00係市政府站等，佢接我地一齊去

小人國，果日個日餐係佢地係基隆買比我地食GA，係水煎包

有兩個口味，九菜&高麗菜。

由台北去小人國要1個多小時呀，去到已經係9點幾喇，

小人國同世界之窗無咩分別，叮噹為題又唔算多，

加上果日落雨，我地好早就走左lu…..

 

午飯由台灣朋友帶我地去龍潭食活河魚，好好味呀，好新鮮呀。

食飽之後佢帶我地去左買花生糖，我諗都幾出名ga….

雖然話係糖但唔係好甜。

之後我地又坐左個幾鐘車去基龍喇。 

去到基龍已經係黃昏喇，同埋已經感覺到”凡亞比”迫近喇，

好大風。朋友仔帶我地去左食好新鮮嘅刺身，同埋海鮮呀，

香港真係食唔到呀超平超好食。不過要我自己去多次我都唔識呀。

當然黎到基隆一定要去埋廟口喇，好多人，好多野食呀，

有間有粉圓好名呀，叫三兄弟，有個叫"包心"係必食，

香港未見過GA。因為我個台灣朋友佢係住係基隆，

所以我地就自己搭巴士出返去台北喇。

因為颱風關係，西門町都變得好靜，好多舖頭都開始關門喇，

我地去左食阿宗，之後我地就去左家樂福，係西門町有一間

24小時GA.....一入到去好多人。我地買左D野就走LU......

第五日我地係雅典娜留到12點先走，因為颱風所有舖頭都唔開呀，

但我地又搭20:55機走WOR.....因為我地間房有人BOOK左，

所以又唔可以 LATE CHECK-OUT，唯有攞埋行李去台北車站喇。

我地買定巴士票去機場，好彩個售票員好好人呀，佢幫我地

KEEP住D行李，咁我地就行下地下街，食下野LOR。之後我地就

搭16:15巴士去機場，因為驚颱風會影響路面交通，所以咁早出

發LAW，去到機場都係搵下野食坐下、行下，好彩飛機冇延誤如期起飛。