蘿蔔糕

一年一度嘅新年又要整蘿蔔糕喇。今次用左10斤蘿蔔。整左9盒蘿蔔糕。

材料：臘肉、臘腸(出水幾分鐘)

 將臘肉、臘腸切粒，爆香至出油，加入乾貝碎繼續爆香。

 材料：乾貝、蔥花

 材料：櫻花蝦乾

材料：蘿蔔絲 (煮至半透明)

熄火後下鹽、蠔油攪勻，將臘肉臘腸粒及蔥花一起加進蘿蔔絲裡攪勻，再j胡椒粉攪勻調味

將粘米粉和澄麵過篩分幾次慢慢加進蘿蔔絲裡攪勻。

 最後將所有材料倒進糕盤內，蒸約四十五分鐘，加蔥花裝飾。

放入雪過夜，取出切片煎香。好味。

德記潮州菜館 Tak Kee Chiu Chou Restaurant

西環唔知食乜好，老公突然諗起德記，咁即時坐言起行喇。

雖然係平日，但都好旺，有8-9成滿呀。可能價錢比較實惠喇。

 

店舖資料：德記潮州菜館  Tak Kee Chiu Chou Restaurant
地址：西環堅尼地城卑路乍街3號G益豐大廈地下
電話：2819 5568

鹵水鵝頭頸 - 呢個係我至愛，但唔係個個鍾意食。好入味好好味呀。要多條都得呀。

 

三滲醬墨魚拼海蜇頭 – 個醬酸甜好開胃，海蜇頭好爽脆，墨魚好淋。

 

脆皮糯米釀大腸 – 呢個係工夫餸，糯米好香仲有栗子，大腸好脆。

 

潮式糖醋伊麵 – 完全唔油，灑上少少砂糖，沾上少少醋，兩面煎得好香。

 

沙爹牛肉芥蘭 – 原本老公想食沙爹牛肉河，不過我叫左個糖醋伊麵， 所以叫左呢個餸，好好味呀。師傅將菜過老嘅部份切左，所以好好味呀。沙爹牛肉直頭正喇。

食後感：味道好，價錢合理，好街坊 Feel。正!!

源記甜品專家Yuen Kee Dessert

  呢間甜品店主要係食舊式甜品。無論裝修、伙記、食品全部都好舊式。

店舖資料：源記甜品專家  Yuen Kee Dessert
地址：西環正街32號地下
電話：2548 8687
 

 因為老公細細個係西環長大，所以每次去親西環都會幫襯下。

 

 今次老公叫左芝麻糊，不過好淡味，唔夠芝麻香味呀。

 我就要左個蓮子綠豆沙，蓮子都幾好味，不過綠豆沙完全唔掂淡而冇味呀。

雞蛋糕，都係冇以前咁好味呀，個蛋糕好實，唔夠鬆，不過好夠蛋味。

食後感：唔知係唔係原材料貴，所以將貨就價。定係轉 左 老師傅呢 ?

如果想食碗靚糖水，就去錯地方。如果想懷舊下就可以一試。