一行三人，不足24小時嘅澳門遊，開始喇。
買左3點船飛去澳門，今次好抵HKD100來回，
第一次去氹仔碼頭，個碼頭好簡陋呀，
如果臨走要買野，唔好諗住係呢個碼頭買呀。
我地搵左架新葡京免費車搭返去澳門市，
之後站我地再搵架巴士搭去左媽閣廟，
媽閣廟門口有架懷舊正糕車，我地當時好豪
咁同個伯伯講3杯喇，點知埋單HK$30，
10蚊一杯仲要係超少、得香芋味、個筒仲要好淋。
好唔抵呀。
之後係附近行左一陣影下相，之後我地就
慢慢行去議事亭、大
三巴，行左一陣。
有個朋友仔買左少少手信。之後我地就
去向十六蒲出發，因為我地一早已經
BOOK左
位食BUFFET喇。但個BUFFET令到我地好失
望LOR.....D野又唔好食，生蠔又唔新鮮，
熟食又唔吸引，仲要食仲HKD260一個
人。
黎到澳門食完飯當然要去賭場玩下喇，
先去十六蒲，之後再去美高梅、凱旋門殺
出一條血路，不過係比人殺。哈哈
當晚我地係住係朋友個阿姨屋企，佢嘅
表哥係凱旋門等我地車我地去佢屋企，佢地
住係三盞燈附近，佢屋企好大呀，我地果晚
玩大富翁玩到4點先去訓呀。
第二日一早起身，8:30再出發繼續我地嘅行程，
第一站當然去食早餐喇。"彭記"係一間好大排
檔 FEEL嘅茶檔，不過杯茶唔好飲，個豬扒
包還可以。
食飽之後就搭巴士去氹仔，我地先去左個
龍環葡韻住宅式博物館，好靚呀。
之後我地又散步去左官也街拉野食喇，
因為我地太早喇，好多舖頭仲未開門，
咁我地咪搵間野坐低食下野喇。去到
"新好利"見到好FULL，好多人呀，我
地叫左豬扒包、木槺布甸、咖哩牛腩
撈麵、葡撻、汽水。呢間野好好食呀.....
豬扒好入味呀，呢間野價錢又唔貴，值得一試呀。
食飽就行返入宮也街買手信喇，去左"晃記"
買左我想要嘅金錢餅，超好味呀。玥食另一D
舖頭買左少少野，之後我地就搭的士去威尼斯，
玩左一陣就去新濠天地再玩，之後就搭免費
巴士去碼頭喇。搭2點船返香港。
.jpg)
.jpg)
